في خلال حملته التي نظمها الرئيس الشهيد الدكتور محمد مرسي وفي خلال مقابلته مع الإعلامي خيري رمضان، أكد المرشح الرئاسي الدكتور محمد مرسي أحقية المصريين على اختلاف طبقاتهم في العلاج على نفقة الدولة بلا تفرقة بين فنان ومواطن عادي.
وهاجم نشطاء نظام قائد الانقلاب عبد الفتاح السيسي، بسبب اهتمامه بالفنانين والمقربين من النظام، خاصة بعد شكر ابنته الممثلة رجاء الجداوي لوزيرة صحة الانقلاب لإرسال سيارة إسعاف مجهزة، وتخصيص غرفتي VIP بمستشفى العزل، وبين إهماله للكوادر الطبية، وكثرة شكاوى أفرادها، وإعلان وفاة العديد من الأطباء، وإعلان الكثير من الأطباء استقالتهم اعتراضاً على طريقة تعامل وزارة الانقلاب معهم.
وكتب إسلام ملمحاً إلى أغنية علي الحجار "احنا شعب وانتوا شعب": "بعد ما شفنا حالة مدام #رجاء_الجداوي والواجب اللي اتعمل معاها هي وطقم التمثيل كله من عمل مسحات وخلافه وتوفير اسعاف مجهز ومكان عزل مجهز برده.. في حين ان الدكاترة وناس كتير بتموت عشان مفيش مكان يبقى فعلاً احنا في مصر والحجار عنده حق!".
وتعجب محمد صلاح: "قمة التناقض ان #رجاء_الجداوي تدخل عناية مركزة في نص ساعة و #الدكاترة تترمي على الأرض لحد ما تموت.. اتقي الله فالناس بقى عشان ربنا يرفع #الوباء".
وسخر مصري بمرارة: "ايه يا جماعة مستغربين ليه ان النظام مهتم بـ #رجاء_الجداوي ـ النظام المتخلف عندنا بيعتبر الممثلين من صفوة المجتمع فطبيعي الاهتمام والعلاج يبقى كمان على نفقة الدولة مع انها تقدر تعمل دا كله بفلوسها ـ أما النظام بقى بيبص على بقية الشعب كأنه رعاع واللي يجيله إصابه يغور في 60 داهية".
وعبرت شروق عن حزنها بالقول: "انهارده بس اتوفي ٤ دكاترة وامبارح ٥ صيادلة وأكيد الأعداد أكتر وكل ده عايشين في بلد مبتحسش.. أنا حقيقي مبسوطة اني أعدت الفترة دي ومنزلتش الشغل عشان أنا مستحقش يجرالي حاجة في بلد احنا متهانين فيها وشعب بالوعي ده.. فين العدل #رجاء_الجداوي #انقذوا_اطباء_مصر".
وغردت طماطم: "#رجاء_الجداوي جالها كورونا طيب وبعدين يعني.. الدنيا اتقلبت لية؟! كل يوم في ناس بتموت ومحدش بيسأل فيها.. كل يوم دكاترة وممرضين معرضين للإصابة ومحدش موفرلهم أي وسيلة حماية".
وهاجم حساب "ثورة شعب" وزيرة الصحة: "يا سيادة #وزيرة_الصحة.. لما #رجاء_الجداوي بلغت انها عندها #كورونا مقولتيش ليها ليه الفيروس خرج عن السيطرة بسبب سلوكيات الممثلين وجشعهم وطمعهم في الحصول على فلوس بأي شكل؟ ولا هو الشعب الغلبان بس هو اللى بتحطي عليه؟ #كورونا_مصر".
واختصر حساب "مزاجنجي" ساخراً: "مين الحيوان اللي عايز يربط حمارته جنب حمارة العمدة. #رجاء_الجداوى #كورونا".